اغنية احساس وظبي

راشد الماجد

في عيوني لو يزيد الشوق ما بان التعب
دام باقي بالحنايا ليل و احساس و ظبي
يا اصعب من الامنيات اللي على درب المهب
و اسهل من النوم في عين الرضيعة و الصبي

لو رميتيني خطا بيطيح لك شعري رطب
وان جرحتيني جفاي بيكون لك قلبي ابي
عزة ابيات القصايد فيك لا تكتب عجب
والحروف الابجدية و الكلام اليعربي

كل بيت يكسب اعجابك بيكتب بالذهب
فرحتي به كثر حزني يوم بيتي حس بي
ان وصفتك شوق ما اقدر ارسمك عين و هدب
وان طريتك عشق تسبيني عن العالم سبي

يا اجزل بحور القوافي و اجمل لحون الطرب
يا اروع من اللي تخيلته و اقسى مطلبي
انتي اصدق حب رغم ان الوصل معنى كذب
كل ما طار الحمام لصوت دارك طار بي

يا اجمل عيون ملاه الحب دمعات و شغب
كل شوق مر بالدنيا احسه مر بي
ان لفاك البرد فتفي دونك ضلوعي حطب
اشعليها و كان ما كفت تعالي و احطبي

عاشقك من زود شوقه ما ترك باب و سبب
لاجل عينك لو يطول الصعب ما قال اتعبي
يجمع بيوت الملامه فيك و يضيع العتب
ما عرفت الا احبك حيل قولي و اطلبي

لو هايني من صغر سنه ولا يوم انغلب
بس ليلة شاف عينك قال عونك و اقربي
كل بيت ما حوى وصفك على ايش انكتب
وكل شوق ماهو لعينك ماهو لي هبي


كلمات احساس وظبي - راشد الماجد احساس وظبي ملحن اغنية احساس وظبي كاتب اغنية احساس وظبي

جميع حقوق كلمات الاغاني الموجودة في موقع عنوني هي ملك لاصحابها و تعرض كلمات الاغاني هنا لغرض القراءة فقط
All song lyrics on the site are property of their respective owners and are presented here for reading purposes only