اغنية ابي افهم

شمه حمدان

جديده لعبتك هذي رجوعك ليش ابي افهم
ترى ماجيت في وقتك أنا مو حاسب إحسابك

نسيتك أو تناسيتك دخيل الله لا تهتم
وأبشرك وجه أحزاني ضحك لي وإنقفل بابك

تصدق ماتت العشرة اردلك لا لا تتوهم
قريتك وإستفد قلبي من المضمون بكتابك

تعلم قلبي من إيدك على كل مامضى يندم
زرعتك شوق أتحرى حضورك وأثمر غيابك

تحملتك ولكنه جبرني الجرح أتكلم
خيانه شفتها منك عطرها تارس ثيابك

بنيتك حب في قلبي ولكن حظرتك تهدم
كرهتك حيل صدقني وكل هذا من أسبابك

تقول اسف حبيبي ما بقى بوجه التسامح دم
أسامح كل شي إلا الخيانه ونشوة إعجابك

أنا يا لك أجي واحد يساوي في عيونك كم
وإلا ما أجي عندك وأغير ناتج أحبابك

تجيني والندم واضح ولا أقدر اقولك سم
لأن الجرح من شافك تضايق قال وش جابك

وإذا تحسبني برجع لك بلاش تفكر وتحلم
لأني مو مثل أول أحقق رغبة أهدابك

قديمه لعبتك هذي وكفايه ما أبي أفهم
رجاء إبتعد عني أنا مو ناقص ألعابك



كلمات ابي افهم - شمه حمدان ابي افهم ملحن اغنية ابي افهم كاتب اغنية ابي افهم

mp3 - bqexplains what is fiscal deficit bq
getting started with dreamweaver and ecommerce templates sh
All rights on the website belong to their respective owners and are shown here for viewing purposes only