اغنية البتول

راشد الماجد

كل أرض تشيلك يا ثقيل الحمول
وكل وقت كريم بالرضا والزعل
وين مارحت تلقى لك حبيب وعذول
وين ما كنت تلقى مثل ياسك أمل

ياطريق الترجي والوله والنحول
والله إني مشيتك لين حد الثمل
لا تظن المسافر من يسوق الرحول
من وقف دون حلمه عاجز ما رحل

وما لمخلوق منجا في الحذر والجفول
ما تصيب السهام ولا يطيش الأجل
الليالي خوات مير منهي البتول
والحوادث عشاير مير وين الفحل

أتذكر في عين الشمس طفل خجول
شالته في هدبها وقت لين إشتعل
أعجب الناس وهجه بالجدل والفضول
ما دروا عن جمال الجرح لين إندمل

إن لثمت الزهور وصاحبتني الحقول
ماهقيت ان صافي الشهد عيب النحل
إن تعبنا نحب ولا لقينا قبول
ما تسر الاماني ولا يفيد العذل

مابقى في ضلوعي كود ريح معمول
وثوب شاش عليه من الندامه وحل
لكن الله كريم و كل هم يزول
ما على الله بعيد ولا جفاك المحل


كلمات البتول - راشد الماجد البتول ملحن اغنية البتول كاتب اغنية البتول

All rights on the website belong to their respective owners and are shown here for viewing purposes only