ارجوك

ارجوك ارجوك.. يامن خـنت حـبي
ارجوك ارجوك.. لا توقف بدربـي

آنا ما خـنت عهـدك وبعـدي
لكن خـنتـني
عيش في ظل من تحـبه عيش
هنيالك هني

لو إن عمري إلى المليون عـمّـر
وأحس بالحـال بـفراقك تدمّـر
وكلمة آهـ مانطـقها بصـوتي
نعـم أقـدر أنا أقـدر
أذلك في سـكوتي

آنا ما خـنت عهـدك وبعـدي
لكن خـنتـني
عيش في ظل من تحـبه عيش
هنيالك هني

أنـا عـندي في هالدنيـا قـناعـة
ألـم جرحـي ولا أطلب شفاعـة
ولا أشكي ودمعـي عـيب أهـلّـه
تـرى الشـكوى لغـير الله مـذله

آنا ما خـنت عهـدك وبعـدي
لكن خـنتـني
عيش في ظل من تحـبه عيش
هنيالك هني

ادعي علي بالموت

أدعي علي بالموت ولا سمني
بس لاتفارقني دخيل الله وتغيب
طاري السفر يابعد عمري همني
شلون أودع بالمطار أغلي حبيب

تعال قبل تروح عني ضمني
يا اقرب من أنفاسي ترى حالي صعيب
أبنتثر قدام عينك لمني
وأبي أسألك هل نلتقي عما قريب

نسيت حتى اسمي دخيلك سمني
باللي تسميني البيلك واجيك
مجنون عاقل ماعلي من لامني
انا مع نفسي واحس اني غريب

الحظ لو فر للأسف ما عمني
ما عمني غير بعذابي والنحيب
يسألني عنك العطر من بيشمني
من قلت بتسافر همل دمعه سكيب

اخدعتني

أخدعتني عسى ربي يجازيها … إتركتني وحيد الحال مرضاني
بعد ما خانت العشرة وماضيها … ذقت مر الخيانه بكل ما جاني
لو تعرفوني ما أبي من بلاويها … كان هلت دموع العين على شاني
خانت العهد وأنا اليوم ما أبيها … عفت حبه وشوفه بنور الأعياني
ضاع في الحب عاليها وواطيها … الخيانة لقت بالحب منزالي

احباب قلبي

احباب قلبي ليتهم يوم جو
ما روحوا بالقلب مني نهبيا
عني تنايوا بالركايب غدوا
وبقيت وحدي كالخلو يسأل بيا

يا كم هم غالين لكن مادروا
من ليعتن خلت دموعي سكبيا
اظنهم بالبعد عني ما سلوا
وانا بعادي عن عيونه صعبيا

تاخذني الأفكار هامات العلو
كني مع طير الفضا لا لعبيا
مشاعري واحساس قلبي سلموا
لو كان من اكبر دواعي تعبيا

اقولها ياليت صوبي عودوا
مـن ينتشي قلب المولع طربيا
خذني معك رغم العواذل ولو
وش عاد لو زعلوا عربك وعربيا

اجيبه

لاتقولوا مقدر اجيبه
لاتقولوا هذي صعيبه
اجيبه يعني اجيبه
لوكان تحت الحراسه

بحط عيني بعينه
يشوف زينه وشينه
والله لسدد له دينه
مغرور ياقو باسه

بحط راسي براسه
واذوقه مر كاسه
جاهل با امور الغرام
مايقدر اهله وناس

ابتدا الصيف

ابتدا الصيف والصيف إن بدا فيه عاده
قلت الوصل والضيقه وبعد الحبايب
آه ياقلبي اللي فارقته السعاده
كل ماقلت طاب لا ماهو طايب ..
لاتذكر هوى باله وغاية مراده
هاب لو كان بالشدات ماهو بهايب
لكن البعد مثل الموت لا جا حصاده
مايرده سموم ولا ترده نوايب ..

ليت محبوب قلبي مايغادر بلاده
ونجتمع ماعلينا من سموم الهبايب
اتصبر على الفرقا ولا لي جلاده
واتعزز وانا قلبي من البعد ذايب ..
لاتذكر هوى باله وغاية مراده
هاب لو كان بالشدات ماهو بهايب
لكن البعد مثل الموت لا جا حصاده
مايرده سموم ولا ترده نوايب ..

لا تلومون قلبي يوم عاش النكاده
لا تقولون كثر الدمع ماله سبايب
صدرو لي بعد فرقا حبيبي شهاده
بعد فرقاه مالي غير عوج النصايب ..
لاتذكر هوى باله وغاية مراده
هاب لو كان بالشدات ماهو بهايب
لكن البعد مثل الموت لا جا حصاده
مايرده سموم ولا ترده نوايب ..