غير الناس

غير الناس

انت غير الناس عندي انت عندي شي كبير
كيف بصبر وانا شايف ناس من حولك كثير
وانا احبك واقولها لك كلمه خليها في بالك
انا ماني اي عاشق انا لما اعشق اغير
من عيون الناس والله اغار يا عمري عليك
ما اتطمن وانسى خوفي الا وايديني في ايديك
بس تحمل كل جنوني لانك اغلى من عيوني
لو تدور ماتلاقي منهو غيري يموت فيك
قلبي في ايدينك يا غالي بس خل بالك عليه
يا حبيبي هذا قلبي وانت ادرى الناس فيه
لو اعيش العمر كله ما انسى حبك او امله
ما ابي شي بحياتي انت بس الي ابيه

ودعتني وسافرت

ودعتني وسافرت

ودعتني وسافرت
وقالت يمكن أعود
بعدها غابت سنين

ليتها ماهاجرت
بعدها مالي وجود
فالبشر مالي معين

ما أصدق لو حصل
آخر الحب الجحود
والأمل يصبح حزين

آه أذكريني وأذكري
كم رسمنا من عهود
فوق جدران السنين

يا جروح اتصبري
يمكن السمرا تعود
يرتوي فينا الحنين

ادري

ادري

أدري أني خطيت وأنـت مخطي بعد .. بس أنا أقول ننسى وش نبي باللي فات
الزعل يا حبيبي ما يخلي أحد .. لو نطاوع زعلنا ما تدوم الحياة

لو تعـدد عيوبي ماتخلص ابد .. لو تعد المزايا تغفر الـسيئات
دايـم أغلط ولكن ما أخون العهد .. الوفا في عروقي ما أحتري به جزات

آسف آسف وآسف لين ماله عدد .. لين ما أرضي غرورك من جميع الجهات
أقهر أبليس وأرجع لا يطول النقد .. لا نعاند بعضنا نقتل الأمنيات

يا مالك قلبي

يا مالك قلبي

يا مالكٍ قلبي عدتك الأسباب
فكري تهيم بك وروحي تحاتي
فيني الوله ودا وفيني الوله جاب
وعيني من الفرقا هجرها سباتي

يا صاحبي تدري قلبي فلا طاب
لامن سرى هجرك في وصل ذاتي
والروح قفرا يوم وصلك لها خاب
كود إنك رواها ترفق وتاتي

بدرن ينور دنيتي فجأة غاب
لا يابدر تكفى نورك حياتي
كان السنه منك يامهجتي ذاب
يالله عسى يمدي أكتب وصاتي

وش تبي

وش تبي

كم عطيتك وش تبي أكثر مبتعد والشوق بي أثر
وانته أغلى من نظر عيني لا تعاند وأرجع استغفر
شوق قلبي وأنت تدري به في الهوى لازم تداري به
ما يجوز الصد والغيبـه دام حبك دوم بي يكبر

سامعن شورك و لا جادل كنت ظالم أو معي عادل
دام معنا الحب متبادل كل ما تأمر أقول أبشـر
قول آمر سمعن وطاعـه يا بعد هالقلب وأوجاعه
خذ خفوقي عندك وداعه عالجفى هالقلب ما يقدر

فدوتك هالروح وعيوني لي غلاك مسبب جنوني
كـم عذالي يلوموني ما دروبي عنك ما أصبر
الهوى دربه من دروبي وأنت بين الناس محبوبي
أنت عمري وأنت مطلوبي وش تبي مني بعد أكثر

يا مرحبا يامغلط في تلفوني

يا مرحبا يامغلط في تلفوني

يا مرحبا يا مغلط في تلفوني . . . مسموح مسموح والغلطات عفوية
صفرين تسعه وسته سته تموني . . . الرقم هذا فتح خط السعودية

ان قلت لبيك آمر هذي عيوني . . . فتحت ذا القلب والنيه على النيه
خليت لك في الحنايا بصمه ولوني . . . تفرق على لون دمي في مجاريه
خليت لك يا حبيبي بيت فرعوني . . . يخربط الناس فالروحات والجيه
وخليت لك في عيوني ركض وضعوني . . . تزعل وتنزل تحت جفني وفوقيه

يا صاحبي وان نشدني طيفك شلوني . . . أقول طيب وطيفك فيه ماريه
مارية ٍ يوم تقبل تجذب لحوني . . . وأجر له من لحون الشوق قافيه
بيحت يا قاصد الغلطات مكنوني . . . وأنا رومنسي أحب أهل الرومنسية
من دونك أعيش وانته تعيش من دوني . . . يا لين أوحيت صوتك لعنبو حيه

رجت زوايا خفوقي وأنشد ركوني . . . وأنا ولد شيخ لي هيبه وشخصيه
الأرض أرضي وكون المرجله كوني . . . لكنه الحب والعاشق وطاريه
تكفون يا ناس بالله لا تلوموني . . . الصدفه اللي بلا ميعاد جبريه
سموني العاشق المغرم وسموني . . . الشاعر اللي قصايده ارتجاليه

قنابل ٍ من فكر راسي ومضموني . . . لكن قنابل غلا ما هي بذريه
وأغني البيت متراكب وموزوني . . . مبدع ومجنون و أفكاري خياليه
يا نجد ودي أغني بك على هوني . . . حورية الأرض فوق الأرض نجدية
ويا مرحبا يا مغلط في تلفوني . . . مسموح مسموح والغلطات عفويه

يا مليح

يا مليح

يا مليح السجايا
بالحيا والمحاسن .. والرضا في لقاك
حن وإعطف عليا
من سهر ليل داكن .. من عظيم الهلاك

قايد الريم قلي
عن مربعك والمواطن .. وإرحم اللي هواك
أنا أسألك بالذي
خلاك موزون فاطن .. وزينك في حلاك

من سكن وسط قلبك
وإنت في قلبي ساكن .. وراحتي في رضاك
إن أعجبك ماجرالي
خذ عيوني ولكن .. كيف أناظر بها

ياحبيبي وياللي
بك تدر المعادن .. ياهنا من رئاك
إنت عشقي وفني
والضجر والمأمن .. مادريت بغلاك
وان لك فالحشا والعين
مقعد وأماكن .. ما يجيله سواك

وش جاه

وش جاه

وش جاه محبوبي مشى وخلاني
مابين نيراني وبين احزاني
واللي يسوي سواته ماهو عاقل
يحبني موت ويصاحب ثاني

خلوه على كيفه يدور غيري
يرتاح وارتاح انا من تفكيري
مافاد لاحبي ولاتقديري
مابيه حتى لو تعنى وجاني

والله شكله من البدايه خاين
خداع مافي شي من عينه باين
للحب والعشره ابد مو صاين
ضحكّته وياللأسف بكاني

يا من تمنى

يا من تمنى
يا من تمنى شوف عيني ثواني
امر وانا لك يا غناتي رهينك
حقك وربي والمحبه اماني
خذها عيوني فدوتن لك وزينك
حقك ولو انك صرتي فيني اناني
ادرى غلاتي شي ما هو بيدينك
وادرى لو انك يا غناتي مكاني
بتقول فدوه يا غلايه غلايه سنينك

يا ما ويا ما كم جاني وجاني
ما شفت زينن يا غلا مثل زينك
عن حب غيرك اللي حالي عصاني
والقلب خذته يا غناتي رهينك
طييبك سباني يا سنين المعاني
والطيب واضح في محيا محيا جبينك
لا تلوم قلبي لو يعد الثواني
لو غبت عنك صاحي يا زين وينك

يا طيب حظي يوم ربي عطاني
يا وين في ذا الوقت شروا حنينك
وانا عطيتك من عروقي حناني
وامنت قلبي يا غناتي بيمينك
لو كنت عندي او شغلك الزماني
ابقى لزينك يا غناتي غناتي وعينك
ان كنت تطلب شوف عيني ثواني
انا اتمنى كل عمري سجينك

وصاتي

وصاتي

أذا قلبي تعب وانبـح صوتي
ابكتب يا هل الشيمه وصاتي
أنا محتار ماعندي ثبوتي
نهى التوقيع كل معاملاتي

فلا يغريك عن حالي سكوتي
اضيم الوجعان نار حسراتي
أرى الأيام بافراحي تفوتي
خذت معها بقايا الذكرياتي
على من صار لي بالعمر قوتي
غـذاء لاحساس بافراح الحياتي

ترى فرقاه به معقود موتي
وأنا مدري معاهـم وش غـلاتي
الوم النفس وافكاري شتوتي
واعين القلب بخشوع الصلاتي
إلهي اطلبك قوة ثبوتي
وبلغني إلى بر النجاتي