استبشرت الأوطان

استبشرت الأوطان

اسبشرت ياعمي اليوم الاوطان … من يوم قالوا سيدي انك بخير
ياجعلك بخير ٍ على طول الازمان … والله يجنبك المرض والمقادير

ياابن الامام الفيصلي طير حوران … ولاكل طير ٍ سيدي يشبهه طير
ولا كل سلطان تسمى بسلطان … يفعل مثل فعل ٍ تسويه ياامير

ذكرك مثل نور القمر في الدجى بان … خيرك غدا شمس ٍ على شعبك تميل
شانك ياعالي الشان مايشبهه شان … الناس غير وانت ياسيدي غير

نهار شوفك تنجلي كل الاحزان … والدار بقدومك تسوق التباشير
والحمد لله حمد شكر ٍ وعرفان … من يوم قالوا سيدي راجع بخير

انتظرته

انتظرته

انتظرته وقلبي إحساسه يقول
صوت خلي اليوم ما أظن أسمعه

الخبر عندي وغيبته بتطول
وقتي من اليوم حسابه باجمعه

ضاق بي صدري وأدوّر له حلول
في ضميري نار شوقي مولعه

عشت في دنيا أدور بها وأجول
عشت فيها بضيق وعايشت السعه

ما لقيت اللي على دربي صمول
كود بعض الناس وقته يمنعه

روضتي جفّت وأنا خلي سيول
مبعدٍ عني وقلبي يتبعه

طبعها اللي يوصف بالطبع الخجول
بين كل الناس عندي أرفعه

الغريب اللي أسولف له وأقول
عن هوى نفسي كلامي أقنعه

ما يلام اللي مثل حالي ينول
لو قضى ليله يساهر مدمعه

لي على الغالي وشوفاته ميول
زود شوقي له غرامي أصنعه

لو حصل لي شوفته همي يزول
وقتها أنسى البشر وأجلس معه

أذكر إني بغيبته دايم أقول
هو حياة القلب هو له مطمعه

فرحتي يا خالد بيوم الوصول
با فرح لقلبي بهمٍّ ودّعه
أبعد عسى في دربك اليوم ترتاح
أنت الذي أهتويته ولا .. بالغصيبه مشيته

حدي نظر

حدي نظر
حدي نظر .. حدّي نظر ..
ما بغيت أكثر .. حدّي نظر
الله أمر .. الله أمر
لعيونك أسهر .. الله أمر
واجهت عيني ملاك الحسن في حيره
وانعقد حرفي وخان الوصف تعبيره
قسمتي بك .. ياقمر
حدّي نظر ..

ردّ لي عمري .. منّك بنظرة
دام أنا حي ..
غايتي شوفك .. بس لو مرة
ما بقى شي ..
لي بالعمر ليل ٍ أخاويه
وآنسّ بك الذكرى

آه يا صبري .. ما لي لقدره
للعطش مي ..
شيء في صدري .. وإنكشف ستره
كشفة الظي ..
لي بالعمر ليلٍ أخاويه
وآنسّ بك الذكرى

بنساك

بنساك
بأنساك .. لأني لك
ألبس ملبس النسيان
ما أبغاك .. لأني الآن
أرفض عيشة الحرمان
ما أبغاك يكفينـي تـعــب
ما أبغاك لو إنك ذهـب

كـانـك قـدرت تجمـع سنينـي اللي مضت
كـانـك قـدرت تسقيهـا روحي اللي ضمت
حتى لو إنك قـدرت
لا تطري الرجعــة عـلى لسانك أبـد
وما أظن لي قـلـبٍ بـيـرقـص لك طـرب
ولا عاد لي نفسٍ تناديلك مـحــب

حبك رماد
حبك ذرى ذاك المـهـب
حبك رميتـه واتبعـه
حبك طويتـه وانـتـهـى
بأودعك على أمل أنساك
ويا ليتنـي صدفة أبد ما ألقاك

بأنساك وأنسى ما مضى
وبشـوف بعيونـي الفــرح
بأنسى الندم وجرح الهوى
عـلّـه يطيب قلب انـجــرح
ثغري لقى الضحكـة ونيـس
من قلبـي علمنـي الصبـر
حاضـر حياتي لك يقيس
كيـف أثـر بالغـدر

علمتني

علمتني

علمتني وشلون اعاملك بعناد = وخليتني للحب اعلن اجهاده
قتلت فرحة عمر في يوم ميلاد = عز الهوى في قلب مات بشهاده

لاتنتظر لقياي في يوم ميعاد = فاتك حضوري والمشاعر جماده
تركتلك ذكرى تعاودك برقاد = ذكرى ميريرة كنها لك وساده

ان غبت ماني عنك ياصاح العشاق = يضيع من ضيع مشاعر وداده
مافات من عمرك صعب يوم ينعاد = زرع زرعته لايفوتك حصاده

سلمولي

سلمولي
سلمولي على الغالي سلامٍ كثير وأخبروه إني أسهر لين يبدأ الصباح
دمعة العين عقبه بالمحاجر تحير ما تجيه عيوني كود عند المراح
ليت لي يا هوا بالي جناحٍ وأطير البلى إني عليك أكفخ بليّا جناح
حارب النوم عيني ما يطب النظير من سبايب غرامك جوهر العقل راح
شالك الزين عيني يوم مالك خشير والله اللي بلاني بك بليّا صلاح
كنّ وجهك قمر خمسة عشر مستدير ليت منه بلغ بك غايته واستراح
صدّ عني ترى عينك سهمها خطير ما خبرت أحد قبلك عيونه رماح
مثلما كنت بأقدامك تدوس الحرير أنت يا زين بأقدامك تدوس الملاح

مريت بيت

مريت بيت

مريت بيت للمحبين مقفول
وجابتني القدره على حد بابه

ونشدت جيرانه عسى البيت منزول
قالوا حبيبك راح لا واسفابه

وله مدةٍ بالسوق ماشيف له زول
وبابه عليه من السوافي ترابه

وهلت دموع العين والقلب مشغول
وعند الفراق اللي حصل في غيابه

واقفيت واللي بين الاضلاع مجهول
حبٍ درسته غيب ماهو كتابه

اهلاً هلا بك ناعس الطرف مكحول
مادمت انا حيٍ لحبل الرجابه

سافري

سافري

سافري يا شمعة أمل
سافري يا كل الاهل
يا أغلى محبوبه رأيت
يا أحلى وأجمل ماقريت
من يوم سافرتي وانا
عايش أقول منهو انا
يا أغلى محبوبه رأيت
ياحلى أجمل ماقريت

أنتي حلم ويا الحياه
أنتي أسم شاع فيه الضياء
من يوم سافرتي وأنا عايش أقول منهو أنا
يا اغلى محبوبه رأيت
يا أحلى وأجمل ماقريت

لا تخليني لحالي

لا تخليني لحالي

حبيبي يا عسى ربي يجيبك تشوف الحال بعد اللي جرى لي
حياتي كلها وأنا انتخي بك دخيلك لا تخليني لحالي

أحبك كثر ظلمك كثر طيبك كثر ما مرّ طيفك في خيالي
أبي قربك أبي يوم اهتني بك وأبيك تصير كل لحظة قبالي

أنا لا قلت أحبك أعتني بك ولا يمكن أخون اللي وفا لي
حبيبي ويش أسوي كيف أجيبك وكيف أبدّل الهجر بوصالي

حبيبي ليه ما تذكر حبيبك وليه الحب تمحاه الليالي
حياتي كلها وأنا انتخي بك دخيلك لا تخليني لحالي

يا عذابي

يا عذابي
يا عذابي ..
كيف أنا بقوى عذابك
لا صار في بعدك عذاب
وفي قربك عذاب
يا شبابي ..
زينة أيامي شبابك
لك في حياتي حساب
ونسيانك حساب

ما تصدق لو أقول أنك حياتي
في كل شئ
سمعي وشوفي أنت
دمي وإحساسي
باسم الهوى لازلت
فكري وهوجاسي
وتدري علي .. بعدك عذاب
وفي قربك عذاب

يا حب ..
مالي فيك غير الشقى
يا حب ..
أخذ من حياتي ما بقى
عشته بإحساسي ولا به شك
يبدّل شعوري
حبك جرى بدمي وذاب